ភ្នំពេញ៖ នាយករដ្ឋមន្ត្រីប្រកាសថា កម្ពុជាគ្មានផែនការក្នុងការផ្លាស់ប្ដូររាជធានីនោះទេ ដោយនឹងជំរុញរាជធានីភ្នំពេញកាន់តែរីកចម្រើន ពលរដ្ឋកាន់តែរស់នៅងាយស្រួលបន្ថែមទៀត។
ថ្លែងនៅក្នុងពិធីបើកការដ្ឋានសាងសង់ស្ពានចាក់អង្រែក្រោម-ព្រែកប្រា ព្រឹកថ្ងៃចន្ទ ទី១៩ ខែកុម្ភៈ ឆ្នាំ២០២៤ សម្ដេចធិបតី ហ៊ុន ម៉ាណែត បានលើកឡើងថាភ្នំពេញមានទីតាំងល្អហើយមានការរីកចម្រើន ហើយរាជរដ្ឋាភិបាលគ្មានគោលការណ៍ហាមប្រាមពលរដ្ឋទិញមធ្យោបាយដឹកជញ្ជូនផងនោះដែរ។
សម្ដេចថា៖ «ភ្នំពេញខ្ញុំថាអត់មានចាំបាច់រើទៅណាទេ យើងដូរច្រើនហើយពីឧដុង្គ ពីអង្គរអី»។
សម្ដេចបានលើកឡើងថា មានប្រទេសចំនួន២ នៅក្នុងតំបន់អាស៊ានដែលបានផ្លាស់ប្ដូររដ្ឋធានីរបស់ខ្លួនគឺ ប្រទេសឥណ្ឌូនេស៊ី និងមីយ៉ាន់ម៉ា៕
ព័ត៌មានជាច្រើនទៀតសម្រាប់អ្នក
